[size=18]مشكلتى انى زملكاوى .....وكمان كلامى كتيرررررر[/size

انا زملكاوى ودمى بيغلى من فريق فاشل الى مجلس اداره مش فاضى وجماهير بائسه




هحكلكوا حكايه حصلت معايا واكيد حصلت مع زملكاويه كتيرررر...
زملكاوى همه كبير ..حب يفرح فاتكلم كتير..قالك على السوبر ده هيبقى ماتش خطير..
وكمان اتكلم عن نجوم كتير..قالك شيكابالا حمزه وكمان حليم ..دول هيبقوا نجوم كتير..
اما الاهلى فجوزيه خاربه اكيد..
ريح ابوتريكه وبركات وكمان الشاطر اسلام...وقالك هلعب بالاشبال وهحقق فوز عظيم.
.قولت اروح الاستاد مفيش وقت احسن من كده...الزمالك اهو فاق والاهلى اهو ناقص كتيرر..
وانا وسط الجماهير والدنيا حلوه ..لاقيت مع اعلام الزمالك اعلام تانيه كتيرر..
اشى مصراوى واشى اسمعلاوى واشى محلاوى وربنا يكفينا شر الحاقدين...بيقولوا لو الزمالك مجابش دسته يبقى فريق حقيرر.
..وقولت بلاش ارد عليهم دول شكلهم مسلحين..وقولت امتى الماتش يبدا خلاص هموت من كترر التفكير.
..نزل لعيبة الزمالك وحيناها ...ونزلت لعيبة الاهلى وسبناها...ونزل الحكم قولنالو اعقل لاما هتبقى ليلتك طين.
..بصيت على السما لقيتها غمامه... بدقق لقيته طوووووب كتيررر...اشى قوالب وزلط وماخفى كان عظيم...جماهير الاهلى على مرمى البصر والطوب معاهم لسه كتيرر
...المهم بدا الماتش تحت الحصار وكلنا لسه مترقبين...


التكمله الحلقات القادمه باذن الله
وانتظرونا فى (مذكرت مواطن فى فرنة عيش)